0 views today | 4 total views | 85 words | 0.45 pages | read in 1 mins

કાળધર્મ ને સ્વભાવને જીતવો, રાખવો નહિ અંતરમાં ક્રોધ રે સમાનપણેથી સર્વેમાં વર્તવું, ને ટાળી દેવો મનનો વિરોધ રે … કાળધર્મ.

નિર્મળ થઈને કામને જીતવો, ને રાખવો અંતરમાં વૈરાગ રે, જગતના વૈભવને મિથ્યા જાણી, ને ટાળી દેવો દુબજાનો ડાઘ રે … કાળધર્મ.

આલોક પરલોકની આશા તજવી, ને રાખવું અભ્યાસમાં ધ્યાન રે, તરણા સમાન સહુ સિદ્ધિઓને ગણવી, ને મેલવું અંતરનું માન રે … કાળધર્મ.

ગુરુમુખી હોય તેણે એમ જ રહેવું, ને વર્તવું વચનની માંય રે, ગંગા સતી એમ બોલિયાં રે, એને નડે નહિ જગતમાં કાંઈ રે … કાળધર્મ.

– ગંગા સતી



Disclaimer: All the stories, poems and images used on this website, unless otherwise noted are assumed to be in the public domain. If you feel your image or story or poem should not be here, please email us to [email protected] and it will be promptly removed.
Note: We do not use any of our content for commercial purpose.

Download:-